Gainera, Ekoetxea Meatzaldean gure ahaleginak hezkuntza lanak egitera bideratzen ditugu, Bizkaiko Meatzaldeko ondare naturala eta historiko baliotsuaren ezagutza eta kontserbazioa lortzeko.

Bizkaiko Meatzealdeak baliabide didaktiko ugari eskaintzen digu: batetik, ingurune paregabea da, paisaiaren aldetik; eta, bestetik, XIX. mendearen bukaeratik han egindako meatze ustiapen izugarriak ingurumenean, ekonomian eta gizartean izan zituen ondorioak ulertzeko lekurik egokiena da.

Era berean, Ekoetxea Sarearen estrategia berriaren barruan, 2030eko Garapen Iraunkorreko Helburuetan, oinarrituta, jarrera-aldaketa bultzatu nahi da, pertsona guztiok modu irmoan inplika gaitezen eta ekintzara pasa gaitezen, klima-aldaketa geldiarazteko eta biodibertsitatea eta ekonomia zirkularra sustatzeko helburuarekin.