Ekoizpen eta kontsumo arduratsua
Helduak
18 urtetik gorakoentzat
Euskera
2 ordua
10:30 - 12:30
28 Azaroak, 2026
Garbikari naturalak erabiltzetik, sintetikoak erabiltzera pasa gara eta hau, ur-kutsaduraren arrazoi nagusienetariko bat da. Inoiz pentsatu duzu garbitu bitartean zikintzen ari zarela? Izan burujabe eta jasangarri eta, ikasi zure komuneko garbikari ekologikoak egiten esperientzia honetan. Zure eta inguruaren osasuna bermatzeko, eraldatu kontsumitzeko eta garbitzeko moduak!
Orokorrean, geroz eta gehiago dakigu elikagaien nahiz erabiltzen ditugun produktu kosmetikoen inguruan, baina ezer gutxi etxeko garbikarien eta geure buruaren zaintza modu sinple batean egitearen gainean. Esperientzia honetan, etxeko egunerokotasunean erabiltzen ditugun garbiketarako produktu sintetikoak ordeztu eta komuneko garbikari jasangarriak egiten ikasiko dugu Aiora Urbietaren eskutik. Hauek guztiak modu ekologikoan, naturan ahalik eta inpaktu txikiena sortuz. Uraren, etxearen eta gorputzaren zaintza ekologikoko ikastaroaren helburuak ondorengoak dira, besteak beste:
•Sortzen ditugun hondakinen kontzientzia hartzea
•Ekologikoaren kontzientzia hartzea eta natura errespetatzea beti
•Modu burujabe batean etxe ekologiko bat izatea zein erraza den ikastea
•Produktu hauek egitea aitzakitzat hartuta, elkartu eta sare bat sortzea
•Batez ere emakumekok belaunaldiz belaunaldi transmititutako jakintza konpartitzea
Gurekin harremanetan jarri eta gure taldeak ahalik eta lasterren argituko ditu zure zalantzak
Partekatu jarduera hau:
