Ekoetxea Urdaibaitik tokiko eta sasoiko produktuaren kontsumoa eta, lurraldean dauden nekazaritzako elikagaien aberastasun, barietate eta kalitate izugarria sustatzeaz eta balioa emateaz gain, ekoizleen eskutik kontsumitzen dugun azken produktua lortzeko prozesua eta praktikak nola gauzatzen diren erakutsi nahi dugu, eta zer bereizgarri ematen diguten. Horrek kalitate handia eta gure osasunerako onurak dakartza, gutxi edo batere prozesatzen ez diren elikagaiak baitira.
Gainera, errezeta, produktu-erakustaldi, dastatze, eta abarren bidez nola erabili eta kontserbatu ditzakezun erakutsiko dizugu.
“Dastatu Urdaibai” Urdaibaiko Biosfera Erreserbaren Patronatuaren Bulego Teknikoak, Urremendi Landa Garapenerako Elkarteak eta Urdaibaiko tokiko ekoizleek urtean zehar antolatuko duten gastronomia eta kultur esperientzien ekimena da.
Helburu nagusiak hauek dira:
1. Sasoiko produktuen eta Urdaibaiko Erreserban bertan ekoitzitakoen berri ematea herritarrei.
2. – Ekoizleeak eta haien produktuak ezagutzera ematea, haien lanari balioa emateko.
3. Herritarrak ekoizleekin konektatzea, produktuak zuzenean eskura ditzaten bitartekaririk gabe.
Hurbileko produktuak gero eta gehiago eskatzen dira, gizartea kontsumo jasangarriago eta arduratsuago baten aldeko apustua egiten ari delako. Gainera, onurek herritarren osasunean ez ezik, tokiko ekonomian eta ingurumenean ere eragin positiboa dute.
Tokiko ekoizleei zuzenean erosita, garapen iraunkorra eta tokiko ekonomia sustatzen ari zara, eta familia askori lana ematen.
Tokiko eta sasoiko elikagaiak kontsumitzen dituzunean, karbono-aztarna txikiagoa sortzen ari zara, banaketa- eta garraio-katea nabarmen murrizten baita.
Bertako produktuak freskoagoak dira eta zapore handiagoa dute. Izan ere, une egokian biltzen dira, mantenugai guztiak mantenduz, eta ez dira artifizialki mantentzen hotz-ganberetan.
Sasoiko produktuak kontsumitzean, produktu horien eskuragarritasuna handitu egiten da denda eta supermerkatuetan. Beraz, eskaintza handitzean prezioak jaitsi egiten dira. Horrela, sasoiko produktuak erosi eta kontsumitzen badituzu, zure erosketa-saskian ahalik eta aurrezpen handiena izango duzu.
Zehazki dakizu produktua nondik datorren eta nola egiten den prozesua hasieratik amaierara.
Gogoratu plazak mugatuak direla!
Kontuan izan denboraldian zehar esperientzia berriak gehitzen joango garela, Urdaibaiko Biosfera Erreserbak modu osasuntsuagoan elikatzeko eskaintzen dizun guztia ezagutu dezazun, ingurune naturala zainduz eta tokiko ekonomia indartuz.
Ekoetxea, Euskadiko Ingurumen Zentroen Sarea, Eusko Jaurlaritzak kudeatzen du, Ihobe sozietate publikoaren bitartez.
Ingurumen Politika
Eskerrik asko gure ingurumen-politikan interesatzeagatik. Etengabeko hobekuntzara, ingurune naturala babestera, garapen iraunkorra sustatzera eta gizartean ingurumen-kontzientzia eta konpromiso handiagoa sortzera bideratutakoa da. Informazio gehiago nahi izanez gero, jarri harremanetan kaixo@ekoetxea.eus helbide elektronikoan.
copyright ©2023 Ihobe
