Meatzaldeko geodibertsitatea

Bizkaiko Meatzaldea altxor geologiko ikaragarria da, eta erromatarrak horren jakitun ziren. Burdina oso garrantzitsua izan da antzinatik, baina hori ez da balio geologiko bakarra. Mendi hauetan, adibidez, itsas izakien fosilak, arrakala eta kobazulo izugarriak aurki ditzakegu… nola da posible hori? Jesus Mari Esteban geologoak geologiak planetako bizitzarako oinarri gisa duen garrantzia erakutsiko digu.

Zer espero dezakegu esperientzia honetatik?
• Geodibertsitateak modu jasangarriagoan nola bizi jakiten laguntzen digula ikasiko dugu.
• Meatze-inguruneko formazio geologiko nagusietako batzuk ezagutuko ditugu.
• Geodibertsitatea bizitzaren euskarri fisikoa dela ulertuko dugu.
• Geologiak klima-aldaketaren aurkako borrokan zer ekarpen egin ditzakeen egiaztatuko dugu.

Ibilbiderako aholku praktiko batzuk:
• Arropa erosoa (galtza luzeak) eta mendiko oinetakoak.
• Ura (plastikozko ontziak saihestu) eta janari arina (plastikozko bilgarriak saihestu)
• Egun eguzkitsua bada, txapela, eguzkitako betaurrekoak eta eguzkitako krema ekartzea komeni da.
• Ez ahaztu ingurune naturalean sortzen duzun edozein hondakin biltzea eta, ondoren, dagokion edukiontzian uztea.

Zuen zain gaude!