Hondakinen prebentziorako astea: Modernes

Modernoak Modernes musika, umorea eta parte-hartzea uztartzen dituen familia osoarentzako ikuskizuna da, Zirika Zirkus-en eskutik datorren obra honek benetan modernoa izatea norbera izatea dela erakusten du.

Abestien, pertsonaia dibertigarrien eta egoera xelebreen bidez, aniztasunaren errespetua, berdintasuna eta askatasuna bezalako balioak lantzen dira. Era berean, gure burua, inguruko pertsonak eta planeta zaintzearen garrantzia azpimarratzen du, eguneroko keinu txikien bidez, hala nola murriztea, berrerabiltzea eta birziklatzea.

Ikuskizun parte-hartzaile eta alaia da, entretenimendua eta hezkuntza uztartzen dituena, elkarbizitza, inklusioa eta ingurumenarekiko konpromisoa sustatzeko.