Lurreko ekosistemen bizitza
Publiko guztientzat egokia
6 urtetik aurrera
Euskera
2 ordua
10:30 - 12:30
29 Azaroak, 2026
Zatoz ‘Hondakinen bilketa: ibaiarenak ez direnak’ esperientziara eta izan aldaketaren parte Europako Hondakinen Prebentziorako Astean. Ekaineko bilketan, Urolaren inguruan denbora gutxian jaso genuenaz kezkaturik, geroz eta nabarmenagoa da ingurumenean pilatuta dauden hondakinak arazo potoloa direla. Etorkizun garbiago eta jasangarriago baten alde, ekin!
Europako Hondakinen Prebentziorako Astearen testuinguruan, ‘Hondakinen bilketa: ibaiarenak ez direnak’ esperientzia kolektiboan parte hartzera gonbidatzen zaitugu. Ekimen honen helburua, eragin positibo bat sortu eta, ingurumena zaindu eta babestea da.
Dinamikari hasiera emateko, Ekoetxeako proiekzio-txokoa erabiliko dugu datu eta irudi batzuen bitartez, hondakinen bilketaren beharraz jabetuko gara. Jarraian, hondakinen garbiketa abiatuko dugu Urolaren inguruan. Ibai-ekosistemarentzat mehatxua den edozein hondakin bilduko dugu.
Jarduera honen bidez, Urola ibaiaren ingurua kontserbatzen laguntzeaz gain, gure ingurumen-aztarna murriztearen garrantziaz ohartuko gara. Jardunaldi parte-hartzailea, hezitzailea eta aberasgarria izango da eta, pertsona bakoitzak etorkizun jasangarriago bat eraikitzen lagunduko du. Esperientzia, indarberritzeko mokadutxoekin amaituko dugu.
Zure zain gaude planetaren alde elkarrekin jarduteko!
Gurekin harremanetan jarri eta gure taldeak ahalik eta lasterren argituko ditu zure zalantzak
Partekatu jarduera hau:
