Hondakinak garbitzeko jardunaldia Plaiaundin

Hondakinen Prebentziorako Europako Astearen (EWWR) barruan, Ekoetxea Txingudik, Recicla-Birziklatu eta Ekopatruilak Irun-ekin batera, garbiketa-jardunaldi bat antolatu du Plaiaundiko Parke Ekologikoan.

Bisitarien etengabeko joan-etorriaren ondorioz, ohikoa da parkeko hainbat gunetan hondakinak pilatzea, bereziki ontziak eta bestelako plastikozko hondakinak. Egoera honek eragin negatiboa du bai paisaiaren kalitatean, bai espazioaren biodibertsitatean.

Jardunaldiaren egitaraua
10:30 – 10:45: Parte-hartzaileen harrera, izen-ematea eta materialaren banaketa (eskularruak eta zakuak).
10:45 – 11:00: Jardueraren aurkezpena eta sarrera.
11:00 – 13:00: Ingurunearen garbiketa kolektiboa.
13:00 – 13:15: Bildutako hondakinen zenbaketa eta talde-argazkia.
13:30: Hamaiketakoa eta txikientzako jolasak.

Gomendioak
Ekarri arropa erosoa, ahal bada praka luzeak, eta mendian ibiltzeko oinetako egokiak.
Ez ahaztu eguzki-babesa: txapela, eguzkitako betaurrekoak eta krema babeslea.
Ekarri zure ur-botila, erabilera bakarreko ontziak ahalik eta gehien saihestuz.
Nahi izanez gero, janari arina ekar dezakezu, bilgarriak ahalik eta gehien murriztuz. Jarduera amaitzean, parte-hartzaile guztien artean hamaiketakoa partekatuko dugu.
Antolakuntzak hondakinak biltzeko beharrezko eskularruak eta zakuak emango ditu.
Jarduera segurua eta eraginkorra izan dadin, jarraitu uneoro arduradunen jarraibideak.

Ekiteko unea da. Animatu eta parte hartu! ♻️🌿