Ekoizpen eta kontsumo arduratsua
Familiak
6 urtetik aurrera
Elebiduna
4 ordu
10:00etatik aurrera
22 Azaroak, 2026
Jarri zure burua proban Eko Race Meatzaldean eta ezagutu nola eman bigarren bizitza botatzen ditugun gauzei! Bisitatu AZTERTU programaren karpa hondakinen mundu mikroskopikoa esploratzeko, berrerabilpen-tailerrak egiteko eta gure ingurune naturalari buruzko doako argitalpenak eskuratzeko.
Hondakinen Prebentziorako Europako Astea dela eta, Ekoetxea Meatzaldeak Eko Race Meatzaldea antolatzen du, eta Eusko Jaurlaritzako Herritarrentzako Ingurumen Hezkuntzako Zerbitzuaren AZTERTU Programak bat egin du jai-giroko ekimen honekin. Gure karpa bisitatzera, gure lana gertutik ezagutzera eta ingurumenaren alde egin dezakegun guztia deskubritzera gonbidatzen zaitugu.
Gure standean, mikroskopioetatik begiratu ahal izango duzu hondakinen mundu ikusezina gertutik behatzeko eta hondakinek ingurune naturaleko bizidunekin duten harremana ezagutzeko. Horrez gain, berrerabilpen- eta birziklapen-tailer praktikoetan parte hartu ahal izango duzu, erabiltzen ez diren materialei bizitza berri bat emateko, eta biodibertsitateari eta ingurunea zaintzeari buruzko doako argitalpenak eta baliabideak eraman ahal izango dituzu etxean ikasten jarraitzeko.
Zatoz jolastera, esperimentatzera eta hondakin gutxiagoko planeta baten alde zure aletxoa jartzera! Zure zain gaude!
Gurekin harremanetan jarri eta gure taldeak ahalik eta lasterren argituko ditu zure zalantzak
Partekatu jarduera hau:
