Euskadiko ingurumen zentroen Ekoetxea Sarea, bilakaera prozesu hutsean, Gasteizko TEDx ekitaldian parte hartu du, inspirazio eta motibazio iturri berriak bilatzeko. Ekitaldia hainbat arlotako pertsonengana iritsi da eta adimena beste errealitate batzuetara ireki du ere. Hortaz, edizio honetan, aldaketak errazteko beste begirada bat hartu da.
Ekoetxea taldea (Eusko Jaurlaritzak kudeatzen duen sarea, Ihobe sozietate publikoaren bidez), oro har, herritarrekin harreman zuzena duten ingurumen hezitzaile profesionalez osatuta dago. Agente eraldatzaileak dira, eta horregatik, aldaketek pertsonak dituzte oinarri. Noranzkoaren aldaketa hori ez doa soilik teknologiari eta prozesuei lotuta, baizik eta antolakuntzako pertsonei eta kulturari ere.
Testuinguru horretan, ‘Upside Down’ lelopean’ maiatzaren 6an Gasteizen ospatu zen TEDx ekitaldia aukera paregabea izan da erreferente onak izateko, aldaketaren kudeaketan zein hizlarien beste esperientzia aberasgarri batzuetan.
Bi erakundeen arteko lankidetzari eta partekatu duten aldaketaren esperientziaren ikuspegiari esker, Ekoetxea sareko taldeak parte hartzeko tailer bat eskaini du modu praktikoan eta dibertigarrian bilakaeraren aldaketan arreta jartzen laguntzeko. “Begira ta Bira esperientzia” tailerrean parte hartu zuten pertsonak txandakatu egin ziren aurkeztutako lau espazioetan. Bertan, Ekoetxean bizitako aldaketaren ezaugarriak aztertu ahal izan zituzten: oreka, moldagarritasuna, konfiantza eta iraunkortasuna.
Ekoetxea sarearen ibilbidea aurrera doa, eta lanean jarraitzen du etengabe hobetzeko, erronkei aurre egiteko eta noranzkoa zein den argi izanda: mundua leku hobea izan dadin, pertsonen eguneroko ohiturak moldatuta.
Bilakaera prozesua
2021ean, pandemiaren ondorioz, sarea osatzen duten zentroek garatu eta hazi ahal izateko ekosistema digital berrira egokitu behar zirela ohartu ziren. Prozesuan, bere publikoaren, hau da, herritarren premiak, itxaropenak eta ingurumenak aldatu zirela hauteman zen.
2022an, Garapen Jasangarrirako Helburuetan (2023) oinarritutako beste estrategia bat sortu ondoren, Ekoetxea sareak biodibertsitateko, klima aldaketako eta ekonomia zirkularreko politikak eta pertsonak lotu nahi izan ditu.
Ekoetxea zentroak eraldatzen ari dira, eta interpretazio zentro izateari utzi diote, ingurumen zentro bihurtzen hasteko, herritarren bidelagun bihurtzeko, bizimodu jasangarriagoak lortzeko bidean.
