Ihobe sozietate publikoak kudeatzen duen Eusko Jaurlaritzaren Ekoetxea-Euskadiko Ingurumen Zentroen Sareak bat egin du ekainaren 10ean, 11n eta 12an 2023ko Ingurumenaren Munduko Egunarekin, eta hondakinen bilketa handia egin du bertako lau zentroetako naturguneetan: Meatzaldea, Urdaibai, Azpeitia eta Txingudi. Guztira, adin guztietako 400 boluntariok baino gehiagok parte hartu dute hondakinen bilketa kolaboratibo horietan, eta 3,1 tona zabor kentzea lortu dute ingurunetik.
Txingudiko ingurumen-zentroak garbiketa antolatu zuen joan den igandean, hilak 11, Urdanibia Berri auzoko Jaitzubia errekastotik abiatuta Plaiaundiko parkean dagoen Ekoetxea zentrora arte. La recogida se ha llevado a cabo durante tres horas, y ha reunido a 46 personas voluntarias que ha recogido un total de 1.612 kilogramos de residuos. Bilketa hiru orduz egin da, 46 boluntario bildu dira, eta guztira 1.612 kilogramo hondakin jaso dituzte. Bilketa egiteaz gain, hondakinak sailkatu dira, eta familia-jolasez eta lunch batez gozatu ahal izan da. Bertan, parte-hartzaileek esperientzia baloratu dute eta hondakinak murrizteko konpromisoari buruz hausnartu dute.
Bestalde, Ekoetxea Meatzaldeak beste hondakin bilketa handi bat koordinatu du Trapagarango Barrionuevo inguruan, Larreinetako funikularretik abiatuta. Ekimenak hiru orduko iraupena izan du, eta 47 lagunek hartu dute parte. Ekimenak hiru orduko iraupena izan du, eta 47 lagunek hartu dute parte. 513 kilogramo zabor atera dituzte eremu horretatik, , eta, amaitzeko, bazkaria egin dute. Bertan, parte-hartzaileek esperientzia baloratu dute eta hondakinak murrizteko eguneroko ohitura onak ezagutu dituzte.
Ekoetxea Urdaibaik eskualdeko bost puntutan antolatu zuen ekintza joan den larunbatean, hilak 10 (Gaztelugatxeko Doniene, Bermeoko Portua, Busturia, Oka ibaia eta Murueta). Lau orduz, 875 kilogramo bildu zituzten, 146 boluntariori esker. Gainera, arratsaldeko lehen orduan, aurkitutako mikroplastikoen analisia eta diagnostikoa egin da, eta eguneroko bizitzan plastikoak murrizteko aholku praktikoak eman dira. Andoni Bastarrika artistak izurde handi baten hondarrezko eskultura bat egin du Busturiako San Antonio hondartzan, itsas kutsadurak eragindako arazoak ikusarazteko.
Bestalde, Ekoetxea Azpeitiak hondakinen bilketa antolatu du gaur goizean herriko ikastetxeetako hainbat talderekin. Eta eremu hauetan aritu dira: Landeta eta Urrestilla, Goenaga zelaia, ibai-ertzeko pasealekua, eta Xaguxatar, Loiola eta Izarraizko Atea parkeak. Guztira, 196 lagunek lagundu dute, ikasle eta irakasleen artean, eta inguruneko 100 kilogramo garbitu dituzte.
Orotara, adin guztietako 433 boluntariok parte hartu dute Ekoetxea-Euskadiko Ingurumen Zentroen Sareak antolatutako hondakinen bilketa kolaboratibo horietan, eta 3,1 tona hondakin kentzea lortu dute.
Ingurumenaren Munduko Eguna
Esperientzia hori 2023ko Ingurumenaren Munduko Eguna ospatzeko aurreikusitako jardueren esparruan garatu da. Nazio Batuen Ingurumen Programak (NBIP) zuzendutako kanpaina da, eta aurten 50 urte beteko ditu Nazio Batuen Batzar Nagusiak 1972an sortu zuenetik. Edizio honetan, NBEren kanpainak munduko ekintza kolektiborako deia egiten du, plastikoek eragindako kutsadurari amaiera ematen lagunduko duten konponbideak ezartze aldera.
#PlastikoKutsadurarikEz traolaren pean, 2023ko Ingurumenaren Munduko Egunean, mundu guztiak ingurumen-neurri eraldatzaileak abian jar ditzala eskatzen da, krisiari aurre egiteko helburuarekin. 2023ko Ingurumenaren Munduko Egunak gogorarazten digunez, plastikoek eragindako kutsaduraren aurka herritarrok burutzen dugun ekintza oro munduko mugimenduaren parte da. Herritarren ekintza horiek plastiko-kutsadurari aurre egiteko neurri zehatzak ezartzera bultzatzen dituzte gobernuak eta enpresak.
Zaborra sortzea eta hondakinek eragindako kutsadura gure garaiko ingurumen-arazo nagusietako bat da, gure osasunari eta planetako biodibertsitateari eragiten diena. Horren adibide da minuturo milioi bat plastikozko botila saltzen direla mundu osoan, eta horietako asko gure itsaso eta ibaietan amaitzen direla, eta 400 urte baino gehiago behar izaten direla deskonposatzeko. Hala, bada, 400 milioi tona plastiko baino gehiago ekoizten dira urtero munduan, eta horien erdia erabilera bakarreko bizitza baliagarrirako sortzen da; ostera, % 10 baino gutxiago birziklatzen da. Kalkuluen arabera, 19-23 milioi tona hondakin plastiko iristen dira urtero aintzira, ibai eta itsasoetara.
Erronka handi hori konpontzeko, garrantzitsua da gizarteko eragile guztiak inplikatzea, baita herritarrak ere, noski. Erronka handi horri aurre egiteko, garrantzitsua da gizarteko eragile guztiak inplikatzea, baita herritarrak ere, noski. Ingurunea garbitzeaz gain, Ekoetxea Sareak bultzatutako ekimenaren helburua pertsonak kontzientziatzea da, eta, horretarako, ekintzara pasatzeko eta konponbidearen parte izateko deia egin da.
Ekoetxea-Euskadiko Ingurumen Zentroen Sareak lau zentro propio ditu: Meatzaldea, Urdaibai, Azpeitia eta Txingudi. Haren estrategia 2030eko garapen jasangarrirako helburuetan oinarritzen da, eta biodibertsitate, klima-aldaketa eta ekonomia zirkularreko politika desberdinak eta pertsonak lotzea du xede. Sarearen helburua pertsonen pentsatzeko eta jarduteko era modu jasangarrian aldatzea da.
Ekoetxea guztiz eraldatzen ari da, interpretazio-zentro izatetik herritarren ekintza eta haien ohituren aldaketa bultzatzen duten zentro izatera pasatzeko. Eta, aldi berean, hedatzen ari da, egungo lau zentroei beste batzuk gehituko baitzaizkie 2023an. Hala, sareak hiru lurralde historikoetan izango ditu zentro elkartu eta kolaboratzaileak.
