Ur garbia eta saneamendua
Publiko guztientzat egokia
8 urtetik gorakoentzat
Euskera
3 ordu
10:00 - 13:00
18 Uztailak, 2026
Zatoz Agiretako ur-jauzi harrigarria ezagutzera! Uraren Bideak programaren barruan, bisita gidatu baten parte hartzeko aukera izango duzu. Zestoako herrian kokatzen den eremu honetan, Goltzibar erreka lagun duen ibilbideaz gozatuko duzu. Esperientzian, uraren garrantzia ulertzeaz gain, gure lurraldean ditugun altxor ezkutuak ezagutuko ditugu!
Ibilbidea Zestoako Lauiturri garbitokian hasiko da. Herria atzean utzi eta, Ekain kobazuloaren erreplikarantz doan bidea hartuko dugu. Goltzibar errekaren ibilgua jarraituz, ur-jauzira iritsiko gara. Izarraitz mendigunearen magalean kokatzen da Agiretako ur-jauzia; non, balio ekologiko handiko zonalde honetan, interes bereziko eremu ezberdinek bat egiten duten.
Ez ahaztu zure kamera edo mugikorra ekartzea eta inspiratzen uztea! Zure argazkiek saria izan dezakete. Laster argitaratuko dugu Uraren Bideak gertuagotik ezagutzeko argazki lehiaketari buruzko informazioa. Zatoz ibiltzera, behatzera eta urarekin duzun harremana birpentsatzera… eta deskubritu nola keinu txikiek aldaketa handiak sor ditzaketen.
Ikusi ibilbidea PDF: hemen
Lankidetzan 
Gurekin harremanetan jarri eta gure taldeak ahalik eta lasterren argituko ditu zure zalantzak
Partekatu jarduera hau:
