Plaiaundiko hegazti migratzaileak: Behaketatik ekintzara

Ba al zenekien zure behaketek espezie baten etorkizuna alda dezaketela? Hegazti Migratzaileen Mundu Egunean, SEO Birdlife – Espainiako Ornitologia Elkarteko aditu baten eskutik, Plaiaundira gonbidatzen zaitugu herritar zientziaren eragina ezagutzeko.

Bidasoa ibaiaren eta itsasoaren artean dagoen hezeguneko bidezidorrak zeharkatuko ditugu; hegazti migratzaileen babesleku da, eta, aldi berean, faunaren eta floraren behatoki. Plaiaundi Europako hegaztien migrazio-pasabide garrantzitsuenetako bat zergatik den ulertuko dugu, eta urte sasoi honetan kontinenteak zeharkatzen dituzten hegazti batzuk aurkituko ditugu. Kontserbazioaz eta habitatekiko errespetuaz hitz egingo dugu, baita libreta eskuan hartuta biodibertsitatearen ezagutza eta babesa zabaltzen laguntzen duten pertsona guztien errekonozimenduaz ere.

Zer aurkituko duzue ?
– Hegaztiak behatzea: prismatikoak eskuan, euskal kostaldeko kokagune baliotsuenetako batean.
– Ikaskuntza aktiboa: Nola bihurtu zure ibilaldiak biodibertsitaterako ekarpen baliotsuak.
– Naturarekiko lotura: gozatu Plaiaundiko Parke Ekologikoaren edertasunaz, hegaztien mundu liluragarrian barneratzen zaren bitartean.

Ikusle izatetik gure faunaren babesean parte hartze aktiboa izatera pasatzeko garaia da.