Ekoizpen eta kontsumo arduratsuak
Guztiak
Elebiduna
4h
10:00 - 14:00
23 Azaroak, 2025
Formatu irekian, 10:00etatik 14:00etara, URDAIBAI MAKER FEST moda jasangarriaren inguruko ekitaldia da. Mazedonia design, Valeria Irisarri eta Rocío Machimbas diseinatzaile eta artisauek, eta erabiltzen ez diren arropak trukatzeko txoko batek, parte hartzen duten pertsona guztien gozamena ekarriko dute, beren arropa birdiseinatzen ikasiz, etorkizun iraunkorragoa, etorkizun hobea, sortzeko
URDAIBAI MAKER FEST, konponketaren kultura eta DIY (Do it yourself) festa giroan protagonista bihurtzen dituen ekitaldia da. 10:00etatik 14:00etara, gune ireki bat izango da, eta moda jasangarriaren munduan izen handiko artisauak izango dira bertan: Mazedonia Desing, ekonomia zirkularraren produktuak garatzeko berrikuntza-zerbitzuak eskaintzen dituena; Valeria Irisarri, goi-mailako joskintza eta moda diseinatzailea, besteak beste genderless joera, hesiak bota eta pertsonak lotzen dituen generorik gabeko moda bere gain hartzen duena eta Rocío Machimbas diseinatzaile eta moda sortzailea, boltso marka propioa duena, diseinu bakarra eta edizio mugatukoak, antzinako oihalak eta txatalak erabiltzen baititu bere produktuak sortzeko.
Parte hartzaileek ehunak konpontzeko eta kustomizatzeko erabiltzen diren teknikak ikasteko topaketa bat sortzeaz gain, komunitatean ikastea sustatu nahi dugu, parte-hartzaileen autonomia bultzatu eta sorkuntza-aniztasuna baloratu. Helburua da parte-hartzaileak sentsibilizatzea “moda azkarrak” ingurumenean, gizartean eta ekonomian duen inpaktuari buruz, “moda jasangarriaren” euskal sektorera hurbiltzea, eta ehungintzaren etorkizun etikoago eta orekatuagoa ahalbidetuko duten ideiak babestea.
Gurekin harremanetan jarri eta gure taldeak ahalik eta lasterren argituko ditu zure zalantzak
Partekatu jarduera hau:
