Moda jasangarria: Txatxi partxeak

Ezagutu zure arropak eraldatzeko modu sortzaile, dibertigarri eta jasangarri bat. Tailer honetan, zure jantziak pertsonalizatzen ikasiko duzu erabilerarik gabeko ehunekin eta oihal-zatiekin egindako adabakiak sortuz; horrela, bigarren bizitza bat emango diezu eta ehunen berrerabilpena sustatuko duzu.

Sormenezko joskintzako hainbat teknika erraz partekatuko ditugu, baita adibide eta ideia inspiratzaileak ere, modu librean esperimentatu ahal izateko, aurrez ezarritako patroirik jarraitu gabe. Koloreekin, testurekin eta irudimenarekin jolasteko gunea izango da, ahaztutako jantziak pieza bakar, original eta nortasunez bete bihurtuz.

Zer espero dezakegu esperientzia honetatik?
• Jantzien bizitzaz eta gehien gustatzen zaizkigun arropen erabilera egokiaz kontzientziatzea.
• Erabilerarik gabeko jantziei itxura berria emateko praktika errazak ezagutzea.
• Ingurumenarekiko errespetuzkoak diren ehungintza-praktika alternatiboen inguruko sormena sustatzea.

Zer ekarri behar duzu?
• Partxe batekin estali nahi duzun hondatutako edo apurtutako jantzi bat.
• Zure gustura pertsonalizatzeko partxe bat gehitu nahi diozun jantzi bat.
• Gustuko dituzun eta zure ehun-konposizioan gehitu nahi dituzun oihal-zati edo ehun puska batzuk.

Ekarri zure arropa eta animatu modu kontzienteago eta jasangarriago batean sortzera.