Esperientzia paregabea bizi eta Bizkaiko Golkoan zetazeoak eta itsas hegaztiak ikusteko aukera izan nahi duzu?
Bermeoko Hegaluze konpainiako katamaran batean emozioz betetako egun ahaztezina bizi dezazun nahi dugu. Katamaran horrek itsasertzetik hainbat miliara eramango gaitu, bertako uren biodibertsitate eta aberastasuna dela eta zetazeoak eta itsas hegaztiak elikatzen diren tokira, hain zuzen.
Itsas- eta meteorologia-baldintzek aukera ematen badigute, zetazeo askeek beren habitat naturalean eskaintzen duten ikuskizun apartaz gozatzeko aukera izango dugu: izurde arruntak eta marradunak, izurde pilotuak, zereak, Cuvier moko-baleak eta Bizkaiko Golkoan dabiltzan beste espezie asko.
Abentura osoan zehar, Ekoetxea Urdaibaiko giden eta zetazeoetan eta itsas hegaztietan adituak diren verballenas.com-en aholkularitza izango da. Hori dela eta, Kantauriko ugaztun bikain horien ezaugarri fisiko eta biologikoak, beraien elikadura- eta migrazio-ohiturak, arriskuak eta mehatxuak ere ezagutu ahal izango dituzte bertaratutakoek.
Gaurkotasun handiko gai bat ere jorratuko dugu: mikroplastikoak.
Urtero, gure ozeanoek 8 milioi tona plastiko jasotzen dituzte.
Bazenekien urtero 100.000 ugaztun eta milioi bat itsas hegazti hiltzen direla kutsadura plastikoaren ondorioz?
Nola eragiten diote mikroplastikoek gure osasunari?
Ozeanoetako bizitzaren etorkizuna jokoan dago.
Zerbait egin dezakegu?
Aukeratu bizi nahi duzun abentura mota:
Tarteko Maila
- 4 ordu eta 30 minutuko ibilbidea, 12 itsas milia artekoa.
- Irteera Bermeoko portutik 09: 30etan eta itzulera 14: 00etan.
- 7 urtetik gorako publikoarentzat.
- Tarifa: 45 € heldu bakoitzeko eta 32 € 7 eta 12 urte bitarteko adingabeko.
- Mugikortasun urriko pertsonentzako sarbide egokitua.
Pro Maila
- 6 orduko ibilbidea, kostaldetik 20 itsas milia baino gehiagora eramango zaituena 2.000 metrotik gorako sakoneran bizi diren espezieak behatzeko, hala nola Cuvier moko-baleak, zereak, etab.
- Irteera Bermeoko portutik 09: 00etan eta itzulera 15: 00etan.
- 14 urtetik gorako publikoarentzat
- 55 euroko tarifa pertsonako.
- Mugikortasun urriko pertsonentzako sarbide egokitua.
Baldintzak eta terminoak:
-
Prezioan barne abenturarako txartela, segurua eta gidari adituak daude.
-
Irteera-lekuraino joan etorriak eta esperientziarako bakoitzaren janari eta edariak, ez dira prezioan barne hartzen.
-
Esperientzia 1727/2007 Errege Dekretuaren mende dago, zetazeoak ez kaltetzeko, gogaitzeko edo urduritzeko bete, saihestu edo debekatu behar diren jokabideak zehazten dituena, hain zuzen.
-
Arrazoi meteorologiko edo itsasoaren egoera txarra dela eta, irteera baliogabetzeko edo aldatzeko eskubidea, antolakuntzak beretzat gordetzen du. Erabiltzaileak esperientziaren prezioa osorik itzultzeko eskubidea izango du, eta beste itsasontzi batean kokatu ahal izango da.
Apirilak
Tarteko Maila:
12
Pro Maila: 26
Maiatzak
Tarteko Maila:
10
Pro maila: 14
Ekainak
Tarteko Maila:
7
Pro maila: 21
Ekoetxea, Euskadiko Ingurumen Zentroen Sarea, Eusko Jaurlaritzak kudeatzen du, Ihobe sozietate publikoaren bitartez.
