Ikuskizuna “IZAN INGURUMEN ZAINDARI!”

Zatoz Ingurumenaren Munduko Eguna ospatzera, eta gozatu familian hainbat jardueraz goiz osoan Plaiaundiko Parke Ekologikoan, bizi garen ingurune naturalari buruz ikasi eta jolastuko baitugu.

Ekoetxea Txingudik eta Txikis del Bidasoaren eskutik, ingurune naturala modu dibertigarri eta hezigarrian deskubritzera eta baloratzera gonbidatzen zaituztegu, “Izan ingurumen zaindari!” lelopean. Gainera, parte-hartzaileek ‘MATRAKA MA NON TROPPO ‘antzezlanaz gozatuko dute.

Plaiaundiko Parke Ekologikoan sartu bezain laster, familiek lau jarduera gune aurkituko dituzte, adin guztietarako jolas, dinamika eta sorpresekin. Kartilla bat zigilatu ahal izango dute gutxienez jardueretako bat osatzean eta “ingurumena zaintzen duen familia” diploma lortzean.

Esperientzia paregabea, naturarekiko sormena eta konpromisoa probatzeko, ingurumenarekiko sentsibilizazioa eta ingurune naturalaz gozatzea sustatzen duten jardueretan parte hartuz.

Zer aurkituko duzue familia esperientzia honetan?

– Sorkuntza artistikoa: Birziklatutako materialekin musika-tresnak eraikitzea eta antzezlan ikusgarriaz gozatzea.
– Ingurumenarekiko sentsibilizazioa: Ingurumena eta ingurune naturala zaintzearen garrantziari buruzko hausnarketa.
– Jolasa eta esplorazioa: Gozatu naturaz jokoetan, yinkanetan eta dinamiketan parte hartzen duzuen bitartean.

Amaitzeko, 12:30ean, Ekoetxea Txingudin, MATRAKA MA NON TROPPO ikuskizunaz gozatu ahal izango da, Traka Matrakaren eskutik. Testurik gabeko sorkuntza artistiko honek, animalien bizitza bere ingurune naturalean sinpletasunean eta harmonian oinarritzen denak, euskal musika tradizionala erabiltzen du, zuzenean interpretatua, ikusleei alegiazko bidezidorretatik bidaiatzeko, abentura, dinamiko, interaktibo eta desafiozko ibilbide batean.

Ikasi, sortu eta lagundu etorkizun jasangarriago bat lortzen! Prest zaude aldaketaren parte izateko?