Ekoizpen eta kontsumo arduratsuak
Tailerra
Helduak
2 ordu
Elebiduna
6 Apirilak, 2025
Gustatuko litzaizuke jakitea zer gertatzen den zure hondakinak edukiontzi horian utzi ondoren? Egin bat esperientzia honekin eta ikasi plastikoak birziklatzen zeure diseinuei bizia emanez!
Esperientzia honetan, makina erdi industrialak erabiliz plastikoa birziklatzen ikasiko dugu. Dinamika teoriko-praktikoa izango da: hasteko, diseinuari eta plastikoari buruz hausnarketa bat egingo dugu gai hauek jorratuz: material horrek eragindako kutsadura, ekonomia zirkularraren kontzeptua, produktuen diseinuaren inpaktuak eta nola bideratu praktika egokietara.
Gero, parte-hartzaileek plastiko birziklatua erabiliz diseinu berri bat sortzeko aukera izango dute. Bitartean, injekzio-makina martxan jarriko dugu eta plastikoa birziklatzen ikasiko dugu. Horretarako, hainbat molde erabiliko ditugu, hala nola botoiak, mosketoiak eta irudi geometrikoak egiteko. Parte-hartzaileek eskura dituzten molde ezberdinekin esperimentatu ahal izango dute.
Beraz, ez ahaztu zure gogoa eta irudimena ekartzea, zuk zeuk egindako diseinu paregabea etxera eramateko. Zure zain gaude!
Gurekin harremanetan jarri eta gure taldeak ahalik eta lasterren argituko ditu zure zalantzak
Partekatu jarduera hau:
Ekoetxea, Euskadiko Ingurumen Zentroen Sarea, Eusko Jaurlaritzak kudeatzen du, Ihobe sozietate publikoaren bitartez.
