Hegaztien lumen ilustrazioa

Ba al zenekien luma batek hegazti bati buruzko informazio asko eman dezakeela? Haurrei zuzendutako ilustrazio zientifikoko tailer honetan, hegaztiak euren lumen bidez ezagutzen ikasiko dugu, eta lumek koloreari, osasun-egoerari edo bizimoduari buruz ematen duten informazioa aztertuko dugu.

Era berean, hegaztiek ekosistemetan duten garrantziaz eta haiek babestea zergatik den ezinbestekoa azalduko dugu. Ondoren, parte-hartzaile bakoitzak bere ilustrazioak egingo ditu koloretako arkatzekin, behaketa-gaitasuna, sormena eta naturarekiko jakin-mina garatuz.

Natura, artea eta zientzia uztartzen dituen tailer dibertigarri eta hezitzailea, txikienek biodibertsitatea hobeto ezagutu eta balioesteko.