Hartzak itsasoa edan zuenekoa

Hartzak naturarekin duen harremana hain da estua, non bere begietatik malkoen jarioa etengabekoa den. Erreka baten alboan bizi da eta, errekak bizia ematen dio hartzari eta hartzak maitasuna itzultzen dio bueltan, berak ematen dakien moduan. Bien arteko harremana, estua eta errespetuzkoa da. Eta batzuetan jostaria, alaia eta zintzoa. . Hartza ez da bakarrik bizi ordea. Tximeletak ditu bizilagun. Tximeleten joan etorriek hartzari kuriositatea sortu izan diote, jakinmina, atezuan jartzeraino. Zerura begiratu du eta euri tanta bat erori zaio begi ertzera. Mendi gailurretik laino multzoa gerturatzen ikusi du, oihal gris moduko bat marraztuz. Galderak, buruan jira biran dituen bitartean, tximeleta bat uretara erori da. Manex Beristain bidelagun, zatoz ipuin kontaketa parte-hartzaile eta dinamiko honetara!