Ezagutu Meatzaldea: La Arboledako putzuak

Gure hezitzaile adituen taldearen eskutik, La Arboledako antzinako aire zabaleko meategiak ezagutzeko aukera izango duzu eta gizakiak bere ingurune naturala aldatzeko duen gaitasun izugarria egiaztatu ahal izango duzu “in situ”. Hala ere den-dena ez dago galduta… jarduten uztekotan, naturak ahalmen handia du “zauriak” sendatzeko.

Zer espero dezakegu esperientzia honetatik?

• Harritu zaitez gizakiaren eta naturaren baterako ekintzaren ondorioz Euskadin bakarra den paisaia berezi batean paseatzen zoazen bitartean.
• Ezagutu burdin meatzaritzak ingurumenean, ekonomian eta gizartean izandako ondorioak.
• Ikasi baliabide naturalak mugagabeak ez direla eta planetan bizi garen pertsona guztien erantzukizuna dela baliabide horiek modu jasangarrian erabiltzea, etorkizuneko belaunaldiei ondarea utzi nahi badiegu.
• Ikasi ekosistema naturalak kontserbatzearen garrantzia, biodibertsitatea sustatzen baitute eta klima-aldaketatik babesten baikaituzte.
• Hausnartu gure ingurune naturalen kalteberatasunari buruz. Nola kontserbazioa gure bizi-kalitatearen bermatzaile den eta nola baliabide naturalen ustiapenak ingurune natural baten suntsipena ekar dezakeen.
• Jakin ezazu gure keinu jasangarrien eta zaintza arduratsuaren bidez ingurune berezi hori kontserbatzen eta babesten lagun dezakegula.

Zure zain egongo gara!