Ezagutu Bidasoa ibaia piraguan

Imajinatzen al duzu Bidasoa ibaia zeharkatzea bere korrontean barrena ibiltzen utziz, bere erritmoa sentituz eta bertako bizitza gertutik behatuz? Ekosistema baliotsu hau ikuspegi paregabe batetik ezagutzeko esperientzia desberdin bat proposatzen dizugu: bisita gidatu bat piraguan.

Ibilbidea Endarlatsan hasiko dugu, eta bertan, Santiagotarrak taldearekin prestaketa labur bat egin ondoren, ibaia piraguan jaisten hasiko gara. Ibilbidean zehar, Ekoetxea Txingudiko hezitzaileek paisaia interpretatzen lagunduko digute, Bidasoaren aberastasun naturala, bertako biodibertsitatea eta kontserbazioaren garrantzia ezagutuz.

Zeharkaldian, ibaiak hainbat habitat lotzen dituela ikusiko dugu, ibai-tarte ahokatuenetatik, Txingudiko padura zabaletaraino. Balio ekologiko handiko gunea da. Fauna- eta flora-espezie bereizgarriak ezagutzeko aukera izango dugu, baita ibaiak bere ibilbidean izan dituen eraldaketak ulertzeko ere.
Gainera, gizakiaren eta Bidasoaren arteko harremanari helduko diogu: muga natural, komunikazio-bide, baliabide-iturri eta aisialdirako eta kirolerako espazio gisa betetzen duen zeregina. Esperientzia honek ere gure ekosistema urtarren kudeaketa jasangarriaren garrantzia azpimarratuko du.

Ibaian erabat murgilduta egon ondoren, jaduera Txingudiko paduretan amaituko da, Santiagotarrak ontziralekuaren parean.

12 urtetik gorakoentzat pentsatutako proposamen honek natura, ingurumen-hezkuntza eta jarduera fisikoa uztartzen ditu ingurune pribilegiatu batean.