Klimaren aldeko ekintza
Guztiak
Elebiduna
2 Ordu
11:00 - 13:00
21 Irailak, 2025
Ibilaldi atseginaz gozatuko dugu Bermeoko alde zaharretik, alde batetik itsasoari lotutako iragana ezagutzeko, eta, bestetik, etorkizunera begira jarriko gara: Zer ondorio izan ditzake klima-aldaketak gure bizitzetan? Zerbait egin dezakegu ondorioak arintzeko? Nola egokitu aldaketa horietara?
Ibilbide honetan, antzinako bizi aztarnez beterik dauden Bermeoko labarren itsas jatorria ezagutuko dugu. Besteak beste, Lurreko itsas maila eta klima nola aldatu diren azalduko digute erregistro geologikoan dauden aztarna horiek.
Bermeo, lur horietan garatu den Erdi Aroko hiribildua da, eta, beraz, ezinbestean itsasoari begira idatzi du bere historia. Nola ez, arrantza-portu garrantzitsu bat du, besteak beste duela mende batzuetako bale ehizagatik eta ondoren baxurako arrantzagatik ezaguna dena.
Azpiegitura horrek Bermeoko historia egituratzen du, eta baliteke hurrengo hamarkadetan klima-aldaketaren ondorioek arriskuan jartzea. Errealitate horrek gizartean, ekonomian eta ingurumenean izan ditzakeen eraginei buruz hausnartzera garamatza, eta gure buruari zerbait egin dezakegun galdetzera. Bermeotik klima-aldaketa arintzeko eta horretara egokitzeko diseinatzen ari diren neurri batzuk azalduko dizkizugu, eta gutako bakoitzak gure egunerokoan egin ditzakegun ekintzetan elkarrekin pentsatzera gonbidatzen zaitugu.
Gurekin harremanetan jarri eta gure taldeak ahalik eta lasterren argituko ditu zure zalantzak
Partekatu jarduera hau:
Ekoetxea, Euskadiko Ingurumen Zentroen Sarea, Eusko Jaurlaritzak kudeatzen du, Ihobe sozietate publikoaren bitartez.
