Klimaren aldeko ekintza
Publiko guztientzat egokia
6 urtetik aurrera
Euskera
2 ordua
16:00 - 18:00
17 Urriak, 2026
Geroz eta begi-bistakoagoa da larrialdi klimatiko baten aurrean gaudela. Etorkizuna iragarri ezin dugun arren, ekiteko unea iritsi da! Klima-aldaketa bezalako gai potolo bati eutsiko diogu esperientzia honetan, baina ez edonola! Jolasa, barreterapia, aldaketa klimatikoa eta ura saio bakar batean uztartuko ditugu. Inoiz pentsatu duzu, irribarre batekin klima alda dezakegula?
Klima-aldaketa bezalako ingurumen-eragilea, ez da barre egiteko kontua. Esperientzia honetan, barrea ez da gure helburu nagusia izango, parte-hartzaile bakoitzaren esentzia pizteko bitartekoa baizik. Jolasa oinarritzat harturik, ikaskuntza aktibatzen da: eraldaketa naturala da, zuzena eta eraginkorra. Herritarrak klima-aldaketaren alorrean mugiarazteko Asteklima ospatzen ari garela baliatuz, Manex Beristainek gidatutako talde dinamika atsegin honetara gonbidatzen zaitugu. Izan ere, esperientzia, taldearen indarra, erronka, dibertimendua eta kontzientzia bezalako gaiak landuko ditugu. Azken horiek beharrezko izango ditugu gure eta ingurukoen etorkizuna eraikitzeko. Izan aldaketaren parte!
Gurekin harremanetan jarri eta gure taldeak ahalik eta lasterren argituko ditu zure zalantzak
Partekatu jarduera hau:
