Aldatu zu eta ez klima!

Irudimenez eta ikaskuntzaz betetako jarduera honetan, haurrek ipuinen, kondairen eta istorioen bidez bidaiatuko dute, klima-aldaketak Lurrari eta bertan bizi diren izaki guztiei nola eragiten dien jakiteko.

Planetak zaintza, maitasuna eta esker ona behar ditu, eta abentura honetan animaliak eta landareak gure gidari eta bidelagun bihurtuko dira. Kontakizun ezberdinen bidez, parte hartzaileek naturara hurbildu, gure munduak bizi dituen aldaketak hobeto ulertu eta guztion artean zaintzearen garrantziaz hausnartu ahal izango dute.

Saioak sentsibilitatea, enpatia eta ingurumenarekiko errespetua piztu nahi ditu, gure planeta babesten eta sendatzen lagun dezaketen ekintza txikiak ezagutzera gonbidatuz.