Aurten, Ingurumenaren Munduko Egunak, «Gure lurrak. Gure etorkizuna» lemapean, lurren lehengoratzea, lehortearen aurreko erresilientzia eta desertifikazioaren aurkako borroka jarri nahi ditu jomugan.
Izan ere, lurzorua biziarentzat funtsezkoa den baliabide ez-berriztagarri bat da, eta, hortaz, babestu egin behar dugu.
Gure kontsumo-ohiturengatik sortzen diren hondakinen kantitate handia eta horren kudeaketa egokia gaur egungo ingurumen-arazo nagusietako
bat da, eragina baitute gure osasunean eta planetaren biodibertsitatean.
Ekoetxea Sareak bat egiten du erronka honekin, eta, Ingurumenaren Munduko Eguna aprobetxatuz, pertsonak kontzientziatu nahi ditugu eta ekintzara pasatzeko eta konponbidearen parte izateko deia egin nahi diegu.
Horretarako, proposatzen dizugu garbiketa-ekintza kolektibo batean parte hartzea eta era guztietako hondakinak gure ingurune naturalean abandonatzeak sortzen duen arazoa konpontzen laguntzea.
Ekoetxea Sareak zu behar zaitu bere ingurumen-zentroetatik gertu dauden lau eremu naturaletako hondakinak garbitzeko.
Ezagutu ezazu leku bakoitzerako prestatu dugun esperientzia:
Ekoetxea, Euskadiko Ingurumen Zentroen Sarea, Eusko Jaurlaritzak kudeatzen du, Ihobe sozietate publikoaren bitartez.
Ingurumen Politika
Eskerrik asko gure ingurumen-politikan interesatzeagatik. Etengabeko hobekuntzara, ingurune naturala babestera, garapen iraunkorra sustatzera eta gizartean ingurumen-kontzientzia eta konpromiso handiagoa sortzera bideratutakoa da. Informazio gehiago nahi izanez gero, jarri harremanetan kaixo@ekoetxea.eus helbide elektronikoan.
copyright ©2023 Ihobe
