Toxikorik gabeko etxeak:Ur garbiaren aldeko garbiketa naturala

2026ko Uraren Munduko Egunak «Ura isurtzen den lekuan, berdintasuna hazten da» lelopean jardutera gonbidatzen gaitu, eta gogorarazten digu ur garbi eta segurua lortzea funtsezkoa dela osasunerako, justizia sozialerako eta ingurumen-iraunkortasunerako. Babesteko modurik errazenetako bat gure etxeetan bertan hasten da.

Ba al zenekien ohiko garbiketa-produktu askok gure ibai, itsaso eta lurpeko uretan amaitzen diren kimikoak dituztela, ekosistemei eraginez eta kalitatezko ura eskuratzeko desberdintasuna areagotuz? Tailer honetan alternatiba natural eta eraginkorrak aurkituko dituzu zure etxeko karga toxikoa murrizteko eta uraren ziklo garbiago batean laguntzeko.

Epxerientzian, urratsez urrats, etxeko bi garbitzaile prestatzen ikasiko duzu, osagai erraz, seguru eta ingurumenarekiko errespetuzkoak dituztenak. Gainera, gure kontsumo-erabakiek eredu bidezkoago baten alde nola egin dezaketen aztertuko dugu, ura pertsona guztientzako baliabide erabilgarri eta osasungarria izan dadin.

Zer aurkituko duzu?
– Etxerako garbiketa naturaleko produktu baten formulazio praktikoa.
– Osagai sinple eta seguruak, aurkitzeko errazak eta ingurumen-inpaktu txikikoak.
– Zure egunerokotasunean toxikoak murrizteko eta uraren kalitatea babesteko gakoak.
– Espazio parte-hartzailea, hurbila eta ezagutza eta ohitura arduratsuak partekatzera bideratua.

Esperientzia eraldatzaile bat gure kontsumoa birpentsatzeko, toxikoak murrizteko eta etxe osasungarriagoetarantz aurrera egiteko, eta ura — eta berdintasuna — benetan jariatzen den mundu baten alde jarduteko.

Zure zain gaude!