“Plaiaundi hondakinik gabe” – Hondakinen Prebentziorako Europako Astea

Ekopatruilak Irun elkartearen eskutik eta Recicla-Birziklatu-ren laguntzarekin, Ekoetxea Txingudin Plaiaundiko parkearen ingurua garbituko dugu. Irungo erdigunetik minutu gutxira dagoen naturgune hau, Txingudiko paduretako zati dena, ezin hobea da naturaz gozatzeko, aire garbia arnasteko eta energia kargatzeko, baina, zoritxarrez, hondakinak ere aurki ditzakegu bertan.

Ingurune naturaletan utzitako hondakinek substantzia toxikoak askatzen dituzte, lurzorua, ura edo airea kutsa dezaketenak eta izaki bizidun guztiei eragin diezaieketenak. Gainera, paisaiak degradatzen dituzte eta betiko kutsatuta geratzen diren paraje askoren estetika hondatzen dute, gure inguruneko osasunari eta gureari eraginez.

Bat egin eta ekintzara pasatzeko unea da. Zeren zain zaude?

• Ekarri arropa erosoa (galtza luzeak: sasi eta ortigadun gunea) eta mendiko oinetakoak.
• Eskularruak eta zabor-poltsak antolakuntzatik emango ditugu.
• Ez ahaztu ura, baina saihestu, ahal den neurrian, plastikozko ontziak.
• Janari arina ekar dezakezu, ahal dela plastikozko bilgarririk gabe.

Zure zain gaude!