Larrialdi Klimatikoa: Erronka Sozial Saihestezina

Ekoetxea Urdaibaik “Klima Larrialdia: Erronka Sozial Saihestezina” argazki erakusketa hartuko du urriaren 4an. Lucas Vallecillos argazkilari eta geografoaren ikus-entzunezko saiakera da, klima aldaketaren kausak, ondorioak eta konponbideak ikuspegi ekosozialetik aztertzen dituena. Inprimatutako 54 lanen eta 12 multimediaren bidez, krisi klimatikoaren eragin globala agerian uzten du erakusketak, justizia klimatikoa eta Garapen Iraunkorrerako Helburuak azpimarratuz. Larritasun hori larriagotzen duten giza jarduerei eta horri aurre egiteko estrategiei buruzko hausnarketa sakona eskaintzen du Valdecillosek, hala nola deskarbonizazioa eta gure bizimoduaren egokitzapena.

Xehetasun gehiago

Abenduaren 8ra arte publiko guztientzat doan eskuragarri egongo den erakusketak, energia, kontsumoa, mugikortasuna, elikadura eta hondakinak bezalako arlo gakoetan egiturazko aldaketa baten beharraz kontzientzia hartzera gonbidatzen du. Gainera, klima-aldaketak ekosistemei, biodibertsitateari eta pertsona kalteberenei nola eragiten dien erakusten digu.

Link: https://www.youtube.com/watch?v=cMvxS454KH0

Erakusketa 4 bloketan egituratuta dago:

• Klima-krisiaren arrazoiak
• Sektore biofisikoetan dituen ondorioak.
• Sektore sozioekonomikoetako ondorioak.
• Arintzea eta egokitzea.

Murgildu zaitez erakusketa paregabe honetan, gure garaiko klima-erronkarik premiazkoenari buruz hausnartzera gonbidatzen zaituena.