Ihobe, Ingurumen Jarduketarako Sozietate Publikoa, Eusko Jaurlaritzako Ekonomiaren Garapen, Jasangarritasun eta Ingurumen Sailari atxikia, helbide fiskala Alda duena. Urkixo, 36 – 6. solairua, Bilbo. IFK: A01024223.

IHOBEk, Red Ekoetxea sarearen bidez, “Zer Dakizun Erakutsi – Lurraren Eguna” izeneko zozketa antolatzen du, lurraren garrantziaz, biodibertsitatean eta ekosistemetan duen eginkizunaz eta jasangarritasunean duen paperaz sentsibilizazioa sustatzeko.

Lurraren Eguneko quiz-a osatzen duten parte-hartzaile guztien artean, Euskadiko produktu lokalekin osatutako 12 otarreko urtebeteko sari bat zozketatuko da (hilabetean otar bat, 12 hilabetez).

Zozketan parte hartu ahal izango dute baldintza hauek betetzen dituzten pertsonek:
18 urtetik gorakoak izatea.
Euskal Autonomia Erkidegoan bizitzea.
Lurraren Eguneko quiza osatzea eta azken formularioan izen-abizenak, helbide elektronikoa ematea.
Oinarri legal hauek eta pribatutasun-politika onartzea.

IHOBEk eskubidea izango du zozketan aldaketak egiteko behar bezala gauzatzea eragozten duen arrazoi bat gertatuz gero, edo haren funtzionamendua hobetzeko.

Parte hartzeko epea 2025eko abenduaren 1ean quiz-a argitaratzen denetik hasiko da, eta 2025eko abenduaren 8ko 23:59etara arte egongo da zabalik.

IHOBEk eskubidea izango du epea luzatzeko edo atzeratzeko ezinbesteko kasuetan, baita oinarri legal hauen interpretazioa egiteko ere.

Saria honakoa izango da:
Euskadiko produktu lokalekin osatutako 12 otarre, nekazaritza eta abeltzaintza gertuko, ekologiko edo sasoiko produktuetan oinarrituta.
Saria pertsonala eta besterenezina da; ezin da dirutan edo bestelako produktuen truke bihurtu.

Zozketa 2025eko abenduaren 9an egingo da.

Irabazle bat aukeratuko da eta bi ordezko izendatuko dira.
Irabazlearekin posta elektronikoz jarriko da harremanetan abenduaren 9an bertan. Saria entregatzeko eta jasotzeko koordinazioa Ekoetxearen taldearekin egingo da.

IHOBEk ez du erantzukizunik izango parte-hartzaileek emandako datuen akatsek irabazlea identifikatzea edo harekin harremanetan jartzea eragozten badute.

DBEO (2016/679 Erregelamendua) eta 3/2018 Lege Organikoaren arabera, quiz-a betetzen dutenen datu pertsonalak IHOBEren datu-basearen parte izango dira.
Datuak honako helburuetarako erabiliko dira:
Zozketaren kudeaketa.
Irabazlearekin harremanetan jartzea.
Red Ekoetxearen jarduerei buruzko informazioa bidaltzea (parte-hartzaileak berariaz baimentzen badu).
Datuak ez zaizkie hirugarrenei lagako, legeak hala agintzen ez badu.
Parte-hartzaileek datuak eskuratzeko, zuzentzeko, ezabatzeko, aurka egiteko, mugatzeko edo eramangarritasun eskubidea baliatu ahal izango dute honako helbidera idatziz:
lopd@ihobe.eus
Alda. Urkixo 36 – 6. solairua, 48011 Bilbo

Zozketan parte hartzeak esan nahi du oinarriak osorik onartzen direla, eta parte-hartzaileek berariaz uko egiten diotela horien aurka egiteari eta egokitu dakiekeen beste edozein ekintza administratibo edo judizial gauzatzeari.

ERANTZUKIZUNA:

Antolakuntzak beretzat gordetzen du zozketa honen oinarriak edozein unetan interpretatu eta aldatzeko eskubidea, baita baliogabetzeko edo indarrik gabe uzteko eskubidea ere, betiere horretarako arrazoi justifikaturik badago. Nolanahi ere, konpromisoa hartzen dute aldatutako oinarriak edo, hala badagokio, zozketa osoa baliogabetzen dutela parte-hartzaileei jakinarazteko ekoetxea.eus orriaren bidez.

Parte-hartzaileek konpromisoa hartzen dute ematen duten informazioa osoa, egiazkoa eta eguneratua dela; nolanahi ere, erakundeak ez du egiazkoa dela egiaztatuko, eta, beraz, akats, ez-egite edo faltsutzeen ondoriozko erantzukizunik ez du izango.

Erreklamaziorik edo gatazkarik izanez gero, parte hartzen duten pertsonek zein erakunde antolatzaileak Bizkaiko auzitegien jurisdikzioaren mende jarri beharko dute.

Ihobe, Ingurumen Jarduketarako Sozietate Publikoa

Urkixo zumarkalea, 36 – 6. solairua – 48011 BILBO

Telefonoa: 946 870 402

Email: kaixo@ekoetxeasarea.eus