Cosmium

Hurbil zaitez zeru izartuaren eta astronomiaren mirariak eta edertasuna ezagutzera eta argi-kutsadurak dakartzan arazoak ulertzera; izan ere, kutsadura horrek, zeruko izarrak ezkutatzeaz gain, bestelako ondorioak ere baditu: energetikoak, biodibertsitatean, osasunean, klima-aldaketan, kulturan eta abarretan. Argi-kutsadura, intentsitate handiko iturri artifizialetatik datorren kutsadura da. Argi-kutsadura argiztapen ez-eraginkorrak eragindako gauetan zeruan ikusten den distira da.

Kutsadura mota horrek arazo hauek sortzen ditu: energia alferrik galtzen da, hondakin kutsatzaileak sortzen dira gehiegizko energia hori sortzen ari den bitartean, hala nola karbono dioxidoa edo substantzia erradioaktiboak, gidarientzat arriskutsuak diren itsualdiak, aireko eta itsasoko zirkulazioa zailtzen da… Gainera, animalia eta landare batzuen ziklo biologikoak alda daitezke, batez ere hegaztienak, desorientazioa eta aldaketak sortuz ziklo biologikoetan, eta, are gehiago, pertsonen lo-zikloak ere alda daitezke, eta, jakina, kultura- eta zientzia-ondarea galtzen da, zeru izartua desagertu egiten baita. UNESCOk zeru izartsua Gizateriaren Ondare izendatu zuen 2008an.

Murriztu argi artifizialaren kontsumoa, izan konponbidearen parte!